नेपालको इतिहासमै पहिलो पटक चीनमा भैँसीको मासु निर्यात

नेपाल ज्ञान १४ श्रावण २०८२, मंगलवार १६:०८

नेपालमा खाद्य क्षेत्रकै इतिहासमा अहिलेसम्मकै सबैभन्दा ठूलो प्रत्यक्ष वैदेशिक लगानी (FDI) आउने भएको छ। २० अर्ब रुपैयाँ बराबरको लगानीमा सिन्धुलीको मरिण गाउँपालिकामा थर्मल्ली प्रोसेस्ड कुक्ड वफेलो मिट फ्याक्ट्री निर्माण गरिने भएको हो।

नेपालस्थित हिमालयन फूड इन्टरनेशनल प्रा.लि. र चीनको छेङ्दु जियान फूड लिमिटेडबीचको साझेदारीमा बन्न लागेको यो परियोजना **”गेम चेन्जर”**को रूपमा हेरिएको छ।

🇨🇳 चीनको २० अर्ब लगानी, 🇳🇵 नेपालबाट मासु निर्यात
उद्योग विभागले हालै मात्र २० अर्ब रुपैयाँको विदेशी लगानी स्वीकृत गरेको छ। उक्त लगानी छेङ्दु जियान फूड लिमिटेडमार्फत नेपाल भित्रिनेछ। बाँकी ७ अर्ब रुपैयाँ नेपाली साझेदारले लगानी गर्नेछ।

कुल लगानी: २७ अर्ब ६४ करोड

कारखाना निर्माण र उपकरण: २० अर्ब

भैंसीपालन, आवास, घाँस खेती: ७ अर्ब

निर्यातको लक्ष्य: वार्षिक २ खर्ब ७० अर्ब रुपैयाँको मासु
कारखाना सञ्चालनपछि:

दैनिक ५ हजार भैंसी (५००–९०० मेट्रिक टन) को मासु प्रशोधन

वार्षिक २ लाख मेट्रिक टन प्रोसेस्ड वफेलो मिट निर्यात

निर्यात मूल्य: २ खर्ब ७० अर्ब रुपैयाँ बराबर

मुख्य नाका: केरुङ मार्ग हुँदै चीन

निर्माण सुरु असोजदेखि, भौतिक संरचना तयार
१०० विगाहा जग्गा आवश्यक

५० विगाहा कारखाना

४० विगाहा घाँस खेती, आवास

हाल ५० विगाहा जग्गा बैना, १० विगाहा हस्तान्तरण

निर्माण अवधि: १०–२० महिना

निर्माण सुरू: असोज २०८२ देखि (वर्षात सकिएपछि)

ईआईए प्रक्रिया तथा कम्पनी दर्ता चरणमा

रोजगारी र ग्रामीण
५,१५६ जनाले प्रत्यक्ष रोजगारी पाउने

सुरुमा २०० चिनियाँ प्राविधिक, बाँकी नेपाली

देशभर भैंसीपालक समूह गठन

बर्दियामा घाँस उत्पादन थालिएको

एयरपोर्ट निर्माणको सम्भावना
चीनले कारखाना नजिकै मरिणको बाह्रबिसेमा साना विमानस्थल निर्माण गर्न प्रस्ताव गरेको छ। सम्भाव्यता अध्ययन सुरु भइसकेको बताइएको छ।

चीनसँग सहमति: मासु निर्यातको ऐतिहासिक बाटो खुला
२०८१ मा नेपाल–चीनबीच प्रोटोकल सम्झौता

थर्मल प्रशोधित बफेलो मासु निर्यात गर्ने समझदारी

चीनले १५ पृष्ठको मापदण्ड लागू गरेको

रोगमुक्त भैंसी, स्वदेशी उत्पादन

खाद्य सुरक्षा, स्वच्छता, मांस गुणस्तर कडाइ

नेपालमा मासु उत्पादन
कुल राँगाभैंसी संख्या: २९ लाख २३ हजार

वार्षिक मासु उत्पादन: १ लाख १६ हजार ५०३ मेट्रिक टन

बढी उत्पादन हुने जिल्ला: बाँके, सप्तरी, रुपन्देही, कैलाली, बारा, सुनसरी आदि |

#nepalgyan #news #kathmandu #nepal

क्याटेगोरी : विविध, समाचार, समाज