काठमाडौं – नेपाल शेर्पा विद्यार्थी संघ, सिन्धुपाल्चोक जिल्ला समिति द्वारा दोस्रो शेर्पा विद्यार्थी फुटसल टुर्नामेन्ट–२०८२ आयोजना हुने भएको छ ।
यसअघि पहिलो संस्करणमा आयोजित फुटसल टुर्नामेन्टले विभिन्न क्षेत्रका शेर्पा विद्यार्थीलाई एकै ठाउँमा ल्याएर खेल Spirit, मित्रता र सांस्कृतिक एकताको सन्देश दिएको थियो । सफलतापूर्वक सम्पन्न सो कार्यक्रमले विद्यार्थीबीच एकताको वातावरण निर्माण गर्न उल्लेखनीय भूमिका खेलेको थियो ।
त्यही सफलताको आधारमा यस वर्ष पनि दोस्रो संस्करण आयोजना हुने भएको हो । प्रतियोगिता भदौ १५ गते २०८२ मा चुच्चेपाटी, भाटभटेनीको टप फ्लोर मा हुने छ । प्रतियोगिता ६-ए-साइड ढाँचामा हुनेछ । विजेताले रु.३०,००० र उपविजेताले रु.१०,००० प्राप्त गर्नेछन् । प्रत्येक टिमका लागि प्रवेश शुल्क रु.२,५०० तोकिएको छ । दर्ता गर्ने अन्तिम मिति भदौ १३ गते २०८२ रहेको छ ।
जिल्ला समिति अध्यक्षले यस अवसरमा भन्नुभयो–“यो टुर्नामेन्ट ऊर्जा, उत्साह र विद्यार्थीबीचको एकताको लागि हो । हरेक शेर्पा विद्यार्थीलाई स्वागत छ—टिम बनाएर सहभागी हुनुहोस्, जित्नुहोस्, तर सबैभन्दा महत्वपूर्ण कुरा हाम्रो एकता हो ।”
क्याटेगोरी : समाचार
प्रतिक्रिया